Friday, May 02, 2008

രണ്ടാമത്തെ പറക്കല്‍

എടാ വിമാനം പോണ കാണണേല്‍ ഓടിവാ.

എവിട്യാ ഏച്ചീ?

അദോ ആ വെള്ള വര പോണ കണ്ടാ ജറ്റാ ജറ്റ്‌.

ഏച്ചി നോക്കിക്കോ ഒരീസം ഞാനും ജെറ്റിലു പോകും മോളീന്ന് കൈ കാണിക്കാം ട്ടാ.

.....................................................

ഒരു ഫോണ്‍ കോളിനിടയില്‍ നിന്ന്.

എടാ എല്ലാ കമ്പ്യൂട്ടര്‍ എഞ്ചിനിയര്‍മാരും ഫോറിനിലൊക്കെ പോണില്ലെ നിനക്കെന്താ എവിടേം പോണ്ടേ?

പോവണമെന്ന് ആഗ്രഹമുണ്ട്‌ പക്ഷെ നിങ്ങളെ ഒക്കെ ഇടക്കിടെ കാണാന്‍ തോന്നുമ്പോള്‍ ഓടിവരാന്‍ പറ്റൂലാലോ.

അതിനു നിന്നോടു കാലാകാലം അവിടെപ്പോയി നില്‍ക്കാനല്ല പറയുന്നത്‌, ചുമ്മാ ഒന്ന് രണ്ട്‌ മാസമൊക്കെ പോയി വന്നൂടെ. അങ്ങനെ നീ പണ്ട്‌ പറയാറുള്ളതു പോലെ വിമാനത്തിലും കയറാലോ?

ഒന്ന് രണ്ട്‌ മാസമൊക്കെ പോയി ഒന്ന് കറങ്ങി വരാന്‍ ആഗ്രഹമില്ലാഞ്ഞാണോ കമ്പനി വിടണ്ടേ?

എന്നാപ്പിന്നെ നിനക്കു ചുമ്മാ ചെറിയ ദൂരത്തേക്ക്‌ ഒന്ന് വിമാനത്തിലു കയറിക്കൂടെ?

--പിന്നേ ഇന്ത്യേടെ ഒരറ്റത്തൂന്ന് മറ്റേ അറ്റത്ത്‌ പോയപ്പോള്‍ പോലും വിമാനത്തിലു പോയിട്ടില്ല. പിന്നാ. കാശെത്ര ചെലവാകുമ്ന്ന് വെച്ചിട്ടാ. ഇനി എങ്ങനേലും ഐടി കൂലിപ്പണിക്കാരന്റെ മാനം രക്ഷിക്കണമല്ലോ--

ഞാന്‍ അടുത്ത തവണ തിരുവനന്തപുരത്തിനു പോകുന്നത്‌ വിമാനത്തിലാ.

എന്നിട്ട്‌ വന്നിട്ട്‌ വിശേഷം പറയണേഡാ.

ശരി.
............................................................

കൂട്ടുകാരില്‍ പലരും നാട്ടിലു പോണതു എയര്‍ഡക്കാനിലാ, ബസ്സിന്റെ കാശിലും ഇത്തിരി കൂടുതലേ ആവൂ.പിന്നെന്താ ഒരിക്കലെങ്കിലും ചാത്തനും ഒന്ന് വിമാനത്തില്‍ കയറിയാല്‍? എന്തായാലും ഒരു വാക്ക്‌ പറഞ്ഞതല്ലേ പോയിക്കളയാം. ടിക്കറ്റ്‌ ബുക്ക്‌ ചെയ്തു. ഒരു ശനിയാഴ്ച രാവിലെ ബാംഗ്ലൂരീന്ന് തിരുവനന്തപുരത്തേക്ക്‌. തിരിച്ച്‌ ഞായറാഴ്ച വൈകീട്ട്‌ ബസ്സിനുള്ള ടിക്കറ്റ്‌ തിരുവനന്തപുരത്തുള്ള സുഹൃത്തുക്കളെക്കൊണ്ട്‌ ബുക്ക്‌ ചെയ്യിച്ചു. അങ്ങനെ കാത്ത്‌ കാത്ത്‌ ആ ദിവസം വരാനായി.

ഒരാഴ്ച മുന്‍പ്‌ ഒരു ദിവസം വൈകീട്ട്‌ എയര്‍ഡക്കാനില്‍ നിന്ന് മൊബൈലില്‍ ഒരു എസ്‌ എം എസ്‌. നിങ്ങള്‍ ബുക്ക്‌ ചെയ്ത ഫ്ലൈറ്റ്‌ കാന്‍സല്‍ ചെയ്തു. വേണമെങ്കില്‍ ശനിയാഴ്ച വൈകീട്ടുള്ള ഫ്ലൈറ്റില്‍ പോകാം, അല്ലെങ്കില്‍ ഞായറാഴ്ച രാവിലെ!!!. ടിക്കറ്റ്‌ റീഷെഡ്യൂള്‍ ചെയ്യാനോ കാന്‍സല്‍ ചെയ്യാനോ കസ്റ്റമര്‍ സര്‍വീസ്‌ നമ്പറില്‍ വിളിക്കുക. വെറും ഒന്നര ദിവസത്തേക്ക്‌ പോകുന്നവനോട്‌ വേണ്ടിയിരുന്നില്ല ഡക്കാനേ നിന്റെ ആനമയിലൊട്ടകം. ഇതിലും ഭേദം അങ്ങോട്ട്‌ കൊണ്ട്‌ പോകുന്ന വിമാനത്തില്‍ തന്നെ തിരിച്ചു കൊണ്ടുവരുന്നതായിരുന്നു.

എന്തായാലും പോയേ പറ്റൂ, അതിനി ശനിയാഴ്ച വൈകീട്ടുള്ള സര്‍വീസില്‍ പറ്റൂല. അതുമല്ല ഇങ്ങനെ അവസാന നിമിഷം ആളെപ്പറ്റിക്കുന്ന സര്‍വീസില്‍ ഇല്ലേയില്ല. എന്നാല്‍ പിന്നെ ഇരട്ടിക്കാശായാലും കൂടുതല്‍ വിശ്വാസയോഗ്യമായ മീന്‍ കൊത്തി ഫ്ലൈറ്റ്‌ സര്‍വീസില്‍ തന്നെയായിക്കളയാം. അതിനു ബുക്ക്‌ ചെയ്തു.

റീഫണ്ട്‌ കസ്റ്റമര്‍ സര്‍വീസ്‌ രാവിലെ 9 മുതല്‍ 5 വരെ മാത്രം. പിറ്റേന്ന് രാവിലെ മുതല്‍ ഫോണ്‍ വിളി തുടങ്ങി. എപ്പോള്‍ വിളിച്ചാലും എന്‍ഗേജ്‌ ടോണ്‍. അവസാനം കിട്ടി. രണ്ട്‌ മൂന്ന് കമ്പ്യൂട്ടര്‍ വഴിതിരിച്ചു വിടല്‍. അവസാനം ഒരിടത്ത്‌ നിന്ന്. നിങ്ങളുടെ സര്‍വീസ്‌ നമ്പര്‍ 19 അതെത്തുന്നതു വരെ ഫോണ്‍ ചെവിയില്‍ പിടിച്ചോണ്ട്‌ നില്‍ക്കൂ.

അഞ്ച്‌ മിനിറ്റ്‌ ചെവീല്‍ പിടിച്ച്‌ മ്യൂസിക്കും കേട്ടോണ്ട്‌ നിന്നു. ഇത്‌ ശരിയാവൂല തലച്ചോറോക്കെ (എന്ത്‌ അങ്ങനൊന്നില്ലല്ലോന്നാ എന്നാല്‍ തലച്ചേറൊക്കെ) ഉരുകിയൊലിച്ച്‌ വരും. ഹാന്‍ഡ്‌സ്ഫ്രീ എടുത്ത്‌ കുത്തി ചെവീല്‍ വച്ചു. ഓഫീസ്‌ ജോലി തുടങ്ങി. കുറച്ച്‌ കഴിഞ്ഞപ്പോള്‍ അതിന്റെ കാര്യം തന്നെ മറന്നപോലായി. പെട്ടന്ന് മ്യൂസിക്കും നിലച്ചു. ശ്ശോ അരമണിക്കൂറു കഴിഞ്ഞു. തന്നെ കട്ടായതെങ്ങനെ? വീണ്ടും വിളിച്ചു. മൊബൈലില്‍ കാശു തീര്‍ന്നു.

ഉച്ചയ്ക്ക്‌ പിന്നേം വിളിച്ചു, തഥൈവ. അവസാനം വിളിച്ച്‌ വിളിച്ച്‌ മൊബൈലിലെ വീണ്ടും നിറച്ച കാശ്‌ തീരാറാവുമ്പോഴേയ്ക്ക്‌ കിട്ടി. റീഫണ്ട്‌ ചെയ്തോളാം എന്ന് മറുപടി കിട്ടി പക്ഷേ ഒരു മാസമാവും. അതുശരി ബുക്ക്‌ ചെയ്യുമ്പോള്‍ ഒരുമാസം കഴിഞ്ഞ്‌ കാശ്‌ തന്നാല്‍ മതി എന്ന ഓഫറൊന്നുമില്ലായിരുന്നില്ലാലോ. കാശ്‌ കിട്ടേണ്ടത്‌ എനിക്കല്ലേ, കിട്ടിയിട്ടാവാം ചീത്തപറയല്‍.

അങ്ങനെ ആ ദിവസവുമെത്തി. എയര്‍പോര്‍ട്ടിലെ നടപടികള്‍ പലരോടും ചോദിച്ച്‌ പഠിച്ചു വച്ചു. പ്രിന്റഡ്‌ ടിക്കറ്റും കൊണ്ട്‌ ചെല്ലുക, ക്യൂ നില്‍ക്കുക, ബോര്‍ഡിംഗ്‌ പാസ്‌ വാങ്ങുക, പറക്കുക. ലഗേജ്‌ തോളിലിടാവുന്ന ഒരു ബാഗ്‌ മാത്രം അതാവുമ്പോള്‍ വേറെ ഗുലുമാലൊന്നുമില്ല, കയ്യില്‍ തന്നെ വയ്ക്കാം.

പോകേണ്ടതിനു തലേന്ന് രാത്രി വീണ്ടുമൊരു ഫോണ്‍, മീന്‍കൊത്തി വഹ. ചാത്തനു പോകാനുള്ള മീന്‍ കൊത്തി ഫ്ലൈറ്റും കാന്‍സലായീന്ന്!. പകരം അല്‍പം കഴിഞ്ഞുള്ള കൊച്ചി ഫ്ലൈറ്റിലുവിടാം അത്‌ പിന്നെ തിരുവനന്തപുരത്ത്‌ പോകുമെന്നും. ഭാഗ്യം ടേക്കോഫും ലാന്‍ഡിംഗുമൊക്കെ രണ്ട്‌ തവണ ആസ്വദിക്കാം അതും ഒരു ടിക്കറ്റിന്റെ ചിലവില്‍!. അടുത്ത സെക്കന്റില്‍ സമ്മതിച്ചു.

വെളുപ്പിന്‌ 5 മണിയ്ക്ക്‌ എഴുന്നേറ്റു. ഷേവ്‌ ചെയ്ത്‌ കുളിച്ച്‌ കുട്ടപ്പനായി എയര്‍പോര്‍ട്ടിലെത്തി. ക്യൂവില്‍ സ്ഥാനം പിടിച്ചു. സമാധാനം ബോര്‍ഡിംഗ്‌ പാസ്‌ കിട്ടി അതും സൈഡ്‌ സീറ്റ്‌!. പിന്നെ ഒരു ടാഗ്‌ തന്നു ബാഗിന്റെ സൈഡില്‍ കെട്ടിയിടാനുള്ളത്‌ . അത്‌ ഒറ്റക്കൈ കൊണ്ട്‌ കെട്ടാന്‍ നോക്കീട്ട്‌ പറ്റുന്നില്ല. മുന്‍പ്‌ കണ്ടിട്ടുണ്ട്‌ എയര്‍പോര്‍ട്ടീന്ന് (അതോ അങ്ങ്‌ സ്വര്‍ഗത്തൂന്നോ) വരുന്നതാന്ന് കാണിക്കാന്‍ ഇമ്മാതിരി ടാഗും കെട്ടി നടക്കുന്നവരെ. ചാത്തനങ്ങനെ ജാഡ കാണിക്കേണ്ട കാര്യമൊന്നുമില്ല. എന്നാലും കിട്ടിയതല്ലേ ഇരിക്കട്ടേ, അതെടുത്ത്‌ ബാഗിന്റെ ഉള്ളിലിട്ടു.

ചെക്ക്‌ ഇന്നിനുപോയപ്പോള്‍ ആ സെക്യൂരിറ്റി എന്തോ കള്ളക്കടത്തുകാരന്റെ മാതിരി എന്റെ ബാഗെടുത്ത്‌ തിരിച്ചും മറിച്ചും നോക്കുന്നു. മുന്‍പേ പോയവരുടേതൊന്നും ഇങ്ങനെ നോക്കീട്ടില്ല. അവസാനം സഹികെട്ട്‌ അവിടെങ്ങാണ്ട്‌ കിടന്ന ഒരു ജെറ്റ്‌ എയര്‍വേസിന്റെ ടാഗെടുത്ത്‌ കെട്ടി, അതിലൊരു സീലും വച്ച്‌ തന്നു. അയ്യടാ ഇതിനായിരുന്നോ ബാഗ്‌ തപ്പിയത്‌!

സീറ്റ്‌ കണ്ടുപിടിക്കാന്‍ ഇത്തിരി ബുദ്ധിമുട്ടി. 1, 2 എന്ന് എണ്ണമിടാന്‍ ഇവന്മാര്‍ക്കറിഞ്ഞൂടെ. ബാഗിനു വലിപ്പം ഇത്തിരി കൂടിപ്പോയതോണ്ട്‌ മുകളില്‍ വയ്ക്കാന്‍ പറ്റിയില്ല. കാലിന്റടിയില്‍ അതു വച്ചപ്പോള്‍ പിന്നെ സീറ്റ്‌ ബെല്‍റ്റിട്ടില്ലേലും കുഴപ്പമില്ലാ. അയ്യോടാ സീറ്റ്‌ ബെല്‍റ്റ്‌ അതിന്റെ കാര്യം മറന്നു ഇട്ടേക്കാം . രാവിലെ ഒന്നും കഴിക്കാത്തതുകൊണ്ടാവും ബെല്‍റ്റിനകത്ത്‌ ചാത്തനെപ്പോലെ രണ്ടാള്‍ക്ക്‌ ഇനിയും കയറാം. ഇതൊന്ന് ചെറുതാക്കാന്‍ ആരോടാ ഒന്ന് ചോദിക്കുക. അടുത്തിരിക്കാന്‍ വരുന്ന ആളോട്‌ ചോദിക്കാം.

ഒരു ചെറുപ്പക്കാരന്‍ ഒരു ചെറുഷോള്‍ഡര്‍ ബാഗുമെടുത്ത്‌, ഐടി സന്തതി തന്നെ. ചോദിക്കാന്‍ ചെറിയൊരു അപകര്‍ഷതാബോധം. പക്ഷേ ഇതെന്താ അങ്ങേര്‍ക്ക്‌ എന്നെക്കാളും ഒരു ചമ്മല്‍ ഇങ്ങോട്ട്‌ നോക്കാന്‍!! കുറച്ച്‌ സമയമായി സീറ്റ്‌ ബെല്‍റ്റിന്റെ ഒരറ്റം പിടിച്ച്‌ തിരിച്ചും മറിച്ചും നോക്കുന്നു, എന്തോ പിടിച്ച്‌ വലിച്ചപ്പോള്‍ ആ സൈഡ്‌ നീളം കൂടി എന്നാലും മറ്റേ സൈഡിലേക്ക്‌ എത്തുന്നില്ല. ഓഹോ അങ്ങനെയാണല്ലേ. യുറേക്കാാാാ...

എന്താ മാഷേ പ്രശ്നം സീറ്റ്‌ ബെല്‍ട്ടിടാനാണോ? അറീലെങ്കില്‍ ഇതൊക്കെ ചോദിക്കേണ്ടേ. ആദ്യമായിട്ടാണോ ഫ്ലൈറ്റില്‍? ബെല്‍റ്റിന്റെ നീളം കൂട്ടുന്നതെങ്ങനെ എന്ന് അപ്പോഴേക്കും ചാത്തന്‍ മനസ്സിലാക്കി. ചുവന്ന ഉടുപ്പിട്ട ഒരു എയര്‍ ഹോസ്റ്റസ്‌ (വാമഭാഗം സൈഡിലിരിക്കുന്നതു കൊണ്ട്‌ അതിനെപ്പറ്റി നോ കമന്റ്സ്‌ വേണേല്‍ പണ്ടാരോ പറഞ്ഞത്‌ ഒന്ന് ക്വോട്ട്‌ ചെയ്യാം വിമാനത്തീനിറങ്ങുമ്പോ എയര്‍ ഹോസ്റ്റസ്‌ ചിരിച്ചു കാണിച്ചാ പലരും തിരിച്ചു കയറും എന്ന്(എന്നോട്‌ പറഞ്ഞത്‌ കൂളിങ്ഗ്ലാസൊക്കെ വച്ച്‌ പാരാ പാരാ(തേരാ പാരാ അല്ല, പാരകള്‍ പാരഗ്രാഫുകളായി എന്നര്‍ത്ഥം) കമന്റിട്ട്‌ നടക്കുന്ന ഒരു ബാച്ചിയാണ്‌) ) സീറ്റ്‌ ബെല്‍റ്റിടാനും സേഫ്റ്റിമെഷേര്‍സും പഠിപ്പിക്കാന്‍ തുടങ്ങി.

വിമാനം പൊങ്ങി. ഓ അത്ര വല്യ പ്രശ്നമൊന്നുമില്ല. ജനലിലൂടെ താഴെ കളിവീടുകള്‍ പുല്‍മേടുകള്‍ വെള്ളച്ചാലുകള്‍. സൈഡിലിരിക്കണ പാര്‍ട്ടി സീറ്റിന്റെ മോളില്‍ അള്ളിപ്പിടിച്ചിരിപ്പാണ്‌, ഓ ഇത്രേം ഒന്നും പേടിക്കാനെന്തിരിക്കുന്നു. ഇനി താഴോട്ട്‌ പോവുമ്പോളാത്രേ കൂടുതല്‍ പ്രശ്നം.

കഴിക്കാനെന്താ വേണ്ടത്‌ വെജ്‌ ഓര്‍ നോണ്‍വെജ്‌ -- രണ്ടും വേണമെന്ന് പറഞ്ഞാലോ രാവിലെ ഒന്നും കഴിച്ചിട്ടില്ല. മെനു നോക്കി വെജ്‌ വെറും വടെം ചപ്പും ചവറും ഫ്രീ അല്ലേ നോണ്‍ വെജ്‌ മതി--ജീവിതത്തിലാദ്യമായിട്ടാവും ചിക്കന്‍ ബ്രേക്‌ക്‍ഫാസ്റ്റിന്‌!!!!
കൂടെ ഒരു ഫ്രൂട്ട്ജ്യൂസും കിട്ടി വെള്ളം കുടിച്ചപ്പോള്‍ തന്നെ ദാഹം മാറി ഇതിനി ബാഗിലിരിക്കട്ടെ.

കൊച്ചി എത്താനായി. യാത്രയ്ക്കാര്‍ സീറ്റ്‌ ബെല്‍ട്ടിടുക. ബെല്‍റ്റിട്ടു കുറച്ച്‌ സമയമായി ഇറങ്ങുന്ന ലക്ഷണമൊന്നുമില്ല. നല്ല മഴ പെയ്യുന്നുണ്ടെന്ന് തോന്നുന്നു. താഴെ ഒന്നും കാണാന്‍ മേലാ. വിമാനത്തിന്റെ ചില്ലില്‍ ഒരു സൈഡിലേക്ക്‌ നീങ്ങുന്ന വെള്ളത്തുള്ളികള്‍. പെട്ടന്ന് വിമാനം ഒന്നിളകി.പിന്നെ തുടര്‍ച്ചയായി ഇളക്കങ്ങള്‍. തൊണ്ടവരെ എത്തുന്ന അനേകം നിലവിളിശബ്ദങ്ങള്‍ പുറത്തുവരാതെ പലരുടേയും കണ്ണില്‍ കാണാം.

വീ ആര്‍ എക്സ്‌പീരിയന്‍സിംഗ്‌ എ മൈനര്‍ ടര്‍ബുലന്‍സ്‌.

അയ്യടാ അതിതായിരുന്നോ കോളടിച്ചു ആദ്യവിമാനയാത്രയില്‍ തന്നെ ഫ്രീ ആയി ടര്‍ബുലന്‍സും. ചാത്തനാകെ ത്രില്ലടിച്ചിരിപ്പായി. ഇനി മോളില്‍ വച്ച ബാഗുകളൊക്കെ ഇപ്പോള്‍ ഉരുണ്ടു താഴെ വീഴും, ഓക്സിജന്‍ മാസ്ക്‌ താഴോട്ടേയ്ക്ക്‌ വരും ആകെ ബഹളമാകും ഹായ്‌ ഹായ്‌.

ഒന്നും സംഭവിച്ചില്ല. പക്ഷെ വിമാനം പിന്നേം ശക്തമായി ഇളകിക്കൊണ്ടിരുന്നു. ഇതിനിടയിലെപ്പോഴോ വിമാനം താഴോട്ടേയ്ക്ക്‌ കുതിച്ചു. താഴെയെത്തി നിര്‍ത്തിയതും ആളുകളെല്ലാം എണീച്ച്‌ റ്റോയ്‌ലറ്റിനടുത്തേയ്ക്ക്‌ ഓട്ടം പിടിച്ചു. അതിലാകെ ഒന്നേയുള്ളൂ അവിടൊരു ക്യൂ തന്നെയായി. കോട്ടും സൂട്ടുമണിഞ്ഞ്‌ ക്യൂ നിന്ന ഒരു മാന്യന്‍ എയര്‍ ഹോസ്റ്റസ്‌മാരെ തെറി വിളിക്കുന്നു. പല ടര്‍ബുലന്‍സും ഞാന്‍ കണ്ടിട്ടുണ്ട്‌. ഇങ്ങനാണോ ഓടിക്കുന്നത്‌ അവിടെ വച്ച്‌ തന്നെ തീര്‍ന്നെന്നാ വിചാരിച്ചത്‌. ദൈവത്തിന്റെ കൃപ. ഇതാണോ വെറും മൈനര്‍ ടര്‍ബുലന്‍സ്‌!!!!!

"അയ്യോ വെയിറ്റ്‌ വെയിറ്റ്‌ ക്യൂവില്‍ ഇനീം ആളു കേറാനുണ്ടേ....."

വാല്‍ക്കഷ്ണം: വീണ്ടും പൊങ്ങിത്താണ്‌ തിരുവനന്തപുരം എയര്‍പോര്‍ട്ടിലെത്തി. ഒരു വിഷമം മാത്രം താഴെ നോക്കി കൈ കാണിക്കാന്‍ വിമാനത്തിന്റെ ചില്ലുജാലകം പൊട്ടിക്കാന്‍ പറ്റീല്ല.

25 comments:

കുട്ടിച്ചാത്തന്‍ said...

ഒരു വിമാനയാത്രാനുഭവം.

ഓടോ: എന്നെ തല്ലാന്‍ ഒരു കൂളിങ്ഗ്ലാസ് വച്ചവന്‍ ക്വട്ടേഷന്‍ തന്നാല്‍ ആരും ദയവായി എടുക്കരുത്.

G.manu said...

ചാത്ത...
ഠേ....... തേങ്ങ എന്റെ വക

കലക്കന്‍ വിവരണം..
പ്ലെയിനില്‍ ഞാനും ഉണ്ടാരുന്നു


:)

ഏറനാടന്‍ (എസ്‌.കെ. ചെറുവത്ത്‌) said...

ചാത്താ പറക്കല്‍ അനുഭവം കൊള്ളാം. കുട്ടിച്ചാത്തന്‍സ് കുന്തത്തിലും കുറ്റിച്ചൂലിലും ആയിരുന്നല്ലോ പറന്നിരുന്നത്, ഇപ്പോ മരംകൊത്തിമേലും ജെറ്റിലുമൊക്കെ ആയല്ലേ. കലികാലം. :) വിവരണം ചിരിപൊട്ടിച്ചുട്ടാ.

കണ്ണൂരാന്‍ - KANNURAN said...

കഷ്ടകാലം പിടിച്ചവന്‍ തലമൊട്ടയടിച്ചാല്‍ കല്ലുമഴ പെയ്യും :)

Chinnu said...

angane angane kuttichattanum flightil kayariyee..

kollam super vivaranam

ശ്രീ said...

ചാത്താ...
പതിവു പോലെ വിവരണം കലക്കി.
അങ്ങനെ കുന്തമില്ലാതെയും ചാത്തന്‍ പറന്നു...
;)

കുട്ടന്‍മേനൊന്‍ said...

ചാത്താ വിവരണം കലക്കി.
പഴയ പി.ഡ.ബ്ലിയു മന്ത്രിയുടെ സമാനാനുന്‍ഭവം ചാത്തനും സംഭവിച്ചിരിക്കുമെന്ന് വെറുതെ .. :)

ശിവ said...

വിമാനയാത്രാവിവരണം നന്നായി...

പൈങ്ങോടന്‍ said...

ഒരു ടിക്കറ്റിന് രണ്ടു ലാന്‍ഡിംഗ് :)
അടുത്ത തവണ പോകുമ്പോ കോഴിക്കോട്>കൊച്ചി വഴി തിരുവനന്തപുരത്തോട്ടുള്ള ബീമാനത്തില്‍ തന്നെ ടിക്കറ്റ് ബുക്കണേ

lakshmy said...

അങ്ങിനെ ആദ്യ വിമാനയാത്രാനുഭവം ഒരനുഭവമായി. കലക്കി

അനൂപ്‌ എസ്‌.നായര്‍ കോതനല്ലൂര്‍ said...

ചാത്താ പറക്കല്‍ അസലായി

തോന്ന്യാസി said...

എന്തായാലും ആ ഒറ്റ ദിവസത്തോടെ ചാത്തന് മനസ്സിലായല്ലോ ആകാശത്ത് വച്ച് കൈ പുറത്തിടാന്‍ നല്ലത് കുന്തം തന്നെയാണെന്ന്.........

അഭിലാഷങ്ങള്‍ said...

"വീ ആര്‍ എക്സ്‌പീരിയന്‍സിംഗ്‌ എ മൈനര്‍ ടര്‍ബുലന്‍സ്‌."

ഈ അനൌണ്‍സ്‌മെന്റിന് ശേഷം ബീമാനത്തിന്‍ സംഭവിച്ച സത്യസന്ധമായ ചില ബിശേഷങ്ങള്‍ കേട്ടോളീ...

"അയ്യോ വെയിറ്റ്‌ വെയിറ്റ്‌ ക്യൂവില്‍ ഇനീം ആളു കേറാനുണ്ടേ....."

ഇത് പറഞ്ഞത് ചാത്തനായിരുന്നില്ല. പൈലറ്റായിരുന്നു!!

ടോയ്‌ലറ്റിനടുത്തുവരെ പോയി ക്യൂനില്‍‌കേണ്ട ആവശ്യമൊന്നും ചാത്തനില്ലായിരുന്നു. കാരണം “സംഗതികള്‍” ഒക്കെ “മൈന‌ര്‍ ടര്‍ബുലന്‍‌സ്” കാരണം ചാത്തനുണ്ടായ “മേജര്‍ ഷോക്കില്‍” സീറ്റില്‍ തന്നെ ഓട്ടോമേറ്റിക്കായി നിര്‍വഹിച്ചു. സീറ്റില്‍ തന്നെ ഹെല്ലാം പോയി!. (ഇന്‍‌ക്ലൂഡിങ്ങ് ബോധം). പാവം ചാത്തന്‍!

ലാന്റിങ്ങിന് ശേഷം എയര്‍പോട്ടില്‍ എമര്‍ജന്‍‌സി സര്‍വ്വീസ് റൂമില്‍ കേട്ട ഒരു അനൌണ്‍സ്‌മെന്റ്:

“ഏസ് മിസ്റ്റര്‍.കുട്ടിച്ചാത്തന്‍, പാസിഞ്ചര്‍ ഫ്രം ബാംഗ്ലൂര്‍ ടു ട്രിവേന്‍ഡ്രം, എക്സ്പീരിയന്‍സ്‌ഡ് സം ‘ടര്‍ബുലന്‍സ്’ ഓണ്‍ എയര്‍, ഹി നീഡ് ആന്‍ ‘ആംബുലന്‍‌സ്’ അര്‍ജ്ജന്റ്ലി!”

ഓഫ് (അഥവാ ടൈക്കോഫ്) :

ഉടനടി ആശുപത്രിയിലെത്തിച്ച് എയറ് പോകാതെ ചാത്തനെ രക്ഷപ്പെടുത്തി. രക്ഷാപ്രവര്‍ത്തനത്തിന് നേതൃത്വം നല്‍കാന്‍ വിമാനത്തില്‍ ഉണ്ടായിരുന്ന കൂളിങ്ങ്ഗ്ലാസിട്ട ഒരു മാന്യനായ വ്യക്തിയും ഉണ്ടായിരുന്നു. ആദ്യകമന്റില്‍ പറഞ്ഞ കൂളിംഗ്ലാസിട്ട ആ നല്ല മനുഷ്യന്‍ ആശുപത്രിയില്‍ ചാത്തനെ കാണാനെത്തി. അയാള്‍ ചാത്തനോട് പറഞ്ഞു:

“ഞാന്‍ പറഞ്ഞൂന്ന് പറഞ്ഞ് ഓണ്‍ലൈനായി അപവാദം പ്രചരിപ്പിച്ചതിന് നിന്നെ നിന്റെ നാട്ടിലിട്ട് തല്ലാന്‍ നേരിട്ട് വന്നതായിരുന്നു ഞാന്‍‌. ഈ ചെറുകൃത്യം സാധിക്കാന്‍‌ കൊട്ടേഷന് ആളെവിടേണ്ട ആവശ്യമൊന്നും എനിക്കില്ലടാ മോനേ. പിന്നെ, നിന്റെ ഈ കിടപ്പ് കണ്ട് തല്ലാനും തോന്നുന്നില്ല. ഏതായാലും ഇത്തവണത്തേക്ക് വെറുതെ വിട്ടിരിക്കുന്നു! ...”

ആ മനുഷ്യന്‍ ഒരു കാര്യം കൂടി പറഞ്ഞു:

“ബാംഗ്ലൂര്‍ എയര്‍പോര്‍ട്ടില്‍ ലഗേജ് സ്കാനിങ്ങിനിടെ എയര്‍പോര്‍ട്ട് അധികൃതര്‍ പിടിച്ചെടുത്ത നിന്റെ കുന്തം ഞാന്‍ എന്റെ ഇന്‍‌ഫ്ലുവന്‍സില്‍ ഇവിടെ എത്തിച്ചിട്ടുണ്ട്. ഒരു ഉപകാരം ചെയ്യണം: ഇനി ഒരിക്കലും നീ ഫ്ലൈറ്റില്‍ കയറരുത്. ഒന്നും കൊണ്ടല്ല, എന്റെ ബന്ധുക്കളായാലും ശത്രുക്കളായാലും എന്നെ പറ്റി ചുമ്മാ ദുഷ്‌പ്രചരണം നടത്തുന്നവരായാലും ‘എയറില്‍ വച്ച് അവരുടെ എയറ് പോകുന്നത്‘ കാണാന്‍ എനിക്ക് വല്യ വിഷമമാണ്. സോ പ്ലീസ്...”

അതും പറഞ്ഞ് കൂളിങ്ങ് ഗ്ലാസിട്ട ആ നല്ല മനുഷ്യന്‍ ഗ്ലാസഴിച്ച് പോക്കറ്റിലിട്ട് തിരിച്ചുനടന്നു.

:-)
അഭിലാഷ്...

My......C..R..A..C..K........Words said...

kollamedo...

കുട്ടിച്ചാത്തന്‍ said...

മനുച്ചേട്ടോ: ചുമ്മാതല്ല ആളോളു ചിരിച്ചത്. അതുകൊണ്ടാവും ടര്‍ബുലന്‍സും.
ഏറനാടന്‍ മാഷേ:നന്ദി, കുറ്റിച്ചൂലില്‍ മന്ത്രവാദിനികളാ.

കണ്ണൂരാന്‍ മാഷേ: കുറേനാളായല്ലോ ഇതു വഴി വന്നിട്ട്.
ചിന്നു: മലയാളത്തില്‍ എഴുതിപ്പഠിക്കൂ നന്ദി.

ശ്രീക്കുട്ടോ: കുന്തമില്ലാതാണേലും വിമാനത്തിലല്ലേ? സത്യത്തില്‍ ചാത്തനു പറക്കാന്‍ കുന്തം വേണമെന്നില്ല. അത് പിന്നൊരിക്കല്‍ പറയാം.

മേനോന്‍ ചേട്ടോ: ഛായ് ചേട്ടന്‍ മീങ്കൊത്തീലു കയറീട്ടില്ലാലേ. മുന്‍പിലിരിക്കുന്നത് ആരാന്ന് പോലും നോക്കുലാ. (എയര്‍‌ഹോസ്റ്റസ്മാരു കണ്ണിനൊരു റസ്റ്റ് തരണ്ടേ?)

ശിവ: നന്ദി, വീണ്ടും വരൂ.
പൈങ്ങോടന്‍:കണ്ണൂരു താവളം വന്നിട്ടാകട്ടെ.

lakshmy :നന്ദി വീണ്ടും വരിക.
അനൂപണ്ണോ:: നന്ദി വീണ്ടും വരിക.

തോന്ന്യാസീ: അതെയതെ രണ്ട് കയ്യും വീ‍ശി പറക്കുന്നതാ രസം.

മിസ്റ്റര്‍ കൂളിങ് ഗ്ലാസ്:ആ വൃത്തികെട്ട കമന്റ് കാരണം ഈ വഴി ആളു കേറാതായി.

My......C..R..A..C..K........Words:: ചിന്നൂന്റെ ഫ്രന്റാണോ? നന്ദി. വീണ്ടും വരിക.

നവരുചിയന്‍ said...

അങ്ങനെ ചാത്തനും വിമാനത്തില്‍ കേറി ..... ഇതു വായിച്ചിടു എനിക്ക് സഹിക്കുന്നില്ല .....ഞാനും ബുക്ക് ചെയാന്‍ പോകുന്നു ഒരു ചെന്നൈ - തിരുവനന്തപുരം ടിക്കറ്റ് ...

മുസാഫിര്‍ said...

കന്നിയാത്ര രസകരമായി വിവരിച്ചു,ചാത്തന്‍.എന്നാലും ഗണപതിക്ക് ഒരു തേങ്ങ ഉടക്കാതെ കയറിയത് ശരിയായില്ല.

പട്ടേരി l Patteri said...

:))
(ഞാനും ഇങ്ങനെ ഒരു സ്വപ്നം കാണട്ടെ ...എന്നിട്ടു വേണം എനിക്കും ഒരു ബിമാന യാത്രയുടെ കഥ എഴുതാന്‍ )

ആഷ | Asha said...

കൂളിംഗ് ഗ്ലാസുകാരന്‍ പറഞ്ഞതു വിശ്വസിക്കണോ അതോ ചാത്തന്‍ പറഞ്ഞത് വിശ്വസിക്കണോ എന്ന കണ്‍ഫ്യൂഷനിലാണ് ഞാന്‍
:)

Naren...!!!! said...

om hreemm kuttichathaa.....kollam ketto...!!!

Kichu & Chinnu | കിച്ചു & ചിന്നു said...

turbulence kalakki chaathaaa

ഒരു സ്നേഹിതന്‍ said...

കുട്ടിചാത്തന്റെ വിമാന യാത്ര കലക്കി....
ആശംസകൾ....

ഉപാസന || Upasana said...

ചാത്താ വിവരണം ഗംഭീരം.

വിമാനയാത്ര വളരെ രസകരമായിരിയ്ക്കും അല്ലേ.
ഞാന്‍ ഇന്നേ വരെ നടത്തിയിട്ടുള്ള യാത്രകളില്‍ ഏറ്റവും ഇഷ്ടമായത് പാടം ഉഴുന്ന ടില്ലറിലിരുന്നുള്ള യാത്രയാണ്..!
നല്ല സൂപ്പര്‍ ജേര്‍ണി.

നല്ല പോസ്റ്റ്.
:-)
എന്നും സ്നേഹത്തോടെ
ഉപാസന

MANIKANDAN [മണികണ്ഠന്‍‌] said...

അപ്പൊ ഇങ്ങനെയൊക്കെയാ ബീമനാത്തിലെ കാര്യങ്ങള്‍ അല്ലെ. അതോണ്ട്‌ ഞാന്‍ ആ‍വഴിക്കില്ലേയ്...............

സതീശ് മാക്കോത്ത്| sathees makkoth said...

ഹൊ ഇനി ദൈര്യായിട്ടൊന്ന് ബിമാനത്തീ കേറാല്ലോ...ആശ്വാസം. ഇതൊക്കെ ആരോടെങ്കിലും ചോദിക്കുന്നത് നാണക്കേടാണന്ന് കരുതിയിരിക്കയായിരുന്നു.
ബാംഗ്ലൂരിലേയ്ക്ക് ഞാനും ബരും ബിമാനത്തിൽ.ചാത്താ സൂക്ഷിച്ചൊ.. പക്ഷേ ടർബുലൻസ് വന്നാലോ...
ട്രെയിനാക്കുന്നതാ നല്ലത്...കാശും ലാബം.

എഴുത്ത് രസകരം!